Wikipedia talk:持續出沒嘅破壞者/香港藝人明細模破壞者
項目連[編輯]
睇返，有關嘅項目同地名方面冇任何嘅關係，因此呢個項目唔會連過去d:Q110514613嗰邊；似係另一個破壞者嚟，或者可能要加一個新嘅項目處理（如果有其它話連埋嘅話）。 Shinjiman ⇔ ♨ 2022年10月13號 (四) 01:23 (UTC)
｢手機版｣ 會唔會係問題？[編輯]
我啱啱譯完嗰篇文，於是忽然恁，會唔會我哋睇到嘅 LTA 其實係癥狀，真正嘅問題其實會唔會係 ｢手機版｣？
我啱啱小改完一篇人物文，知道一改就會彈通知話啲改人物文要有出處，但係我去手機試改同一篇文，手機版冇彈通知，成個熒幕淨係得篇文，即係任何手機版嘅用戶都唔會知改人物文要小心或者要加出處。
我冇裝 Android 版，我唔知係咪一樣唔彈通知，但係我估應該一樣唔彈⸺ Al12si (傾偈) 2022年10月18號 (二) 09:05 (UTC)
PS: 裝咗 Android 版做測試，暫時觀察如下：
- Android 版冇 ｢粵維｣、｢國維｣ 或者 ｢英維｣ 嘅概念，淨係得唔同語言嘅文章，用家體驗係所有語言嘅維基係一個整體
- Android 版一路 scroll 會一直顯示唔同嘅是但版（如果用家加咗 ｢粵語｣ 同其他 ｢中文｣，文章會夾雜出現），多人睇排頭，其中好多係藝人版
- Android 版改文唔會彈通知
- 暫時見到嘅係維基數據明細模會出維基數據明細模（即係改手打嘅明細模似乎係故意），但係我係源碼編輯，唔知即見編輯有冇唔同
另外（同LTA無關）：
- Android 版會叫人 ｢Add article description｣，我唔知係指乜，但係我哋嘅文冇呢樣嘢，可能遲啲會產生其他睇落似 LTA 嘅問題
Al12si (傾偈) 2022年10月18號 (二) 19:28 (UTC)
- 「手機版」呢樣嘢只係表示咗嗰件編輯係用手機版去完成；另外有「流動網上修改」係指嗰次嘅改嘢係經由zh-yue.m.wikipedia.org去完成，「流動程式修改」係指嗰次嘅改嘢係用mobile app去完成，最主流嘅就分別有iOS同埋Android版本。兩種app版本喺輸入搵嘢嗰陣先至會分開出嚟要搵邊一種語言嘅wiki，另外「Add article description」呢樣嘢唔係Android版專有，我用iOS版都會有呢種情況，都係嗰版有連數據項目之後，喺數據嘅對應版（以Q開頭嘅版）喺有關語言嘅「描述」嗰一欄係空白咗。嗰位寫手喺上面嘅改動當中只係能夠表示出係經由Android app版去完成。 Shinjiman ⇔ ♨ 2022年10月19號 (三) 01:20 (UTC)
- 我喺元維基問咗問題，似乎英維都有人投訴過，但係可能冇咁嚴重。Android 版聽佢哋講一年前已經 fix 咗，但係一年後嘅今日仍然係 alpha 階段，連 beta 都唔係，我尋日裝 app 都仲係睇唔到通告嘅舊版。
- 如果 Add article description 係指維基數據，咁就唔怪得維基數據嗰便啲 ｢描述｣ 七國咁亂。你唔話我知我唔會恁到又係手機版作怪攪到啲嘢壞哂 Al12si (傾偈) 2022年10月19號 (三) 01:38 (UTC)