烏克蘭去共化

烏克蘭去共化 (烏克蘭文：Декомунізація в Україні) 係烏克蘭成立嘅去共化政策。夾埋烏克蘭去俄化，就係烏克蘭嘅去殖民化。

歷史

自從1991年烏克蘭獨立以嚟，一路都做緊去共化 ，到2014年嘅 Euromaidan 之後就更加明顯咗。

喺2015年5月15號，總統波羅申科簽咗法案，開始拆任何同共產主義或者蘇聯有關嘅碑或者公共地方嘅名，唯一嘅例外就係會留任何同蘇聯喺蘇德戰爭打敗納粹德國有關嘅紀念碑。自從呢條法案通過咗之後，已經有22個城市同埋44條村要改過個新名。

仲有，因為當時有聲稱，話烏克蘭共產黨喺度幫緊頓巴斯戰爭嘅親俄武裝，所以之後畀政府禁咗。個黨曾經喺歐洲人權法院度上訴過，不過冇乜料到。

到2016年，估計已經總共有 51,493 條街同埋 987 個聚居地改咗名，同時亦都有1,320 個列寧像同埋 1,069 個紀念其他人共產人物嘅碑，畀人堆冧咗或者拆咗。