反沙芋

反沙芋係潮州嘅一道好講究烹調功夫嘅甜品，將切成手指咁上下大細嘅芋頭，加入沙糖炒勻去到芋頭塊乾身香脆^[1]。

呢度菜難度係先將沙糖落鑊慢火炒溶成液狀，之後落芋頭條繼續炒，令芋頭條喺炒熟嘅同時要成條被糖液全包裹，之後糖液收乾變返沙狀包住成條芋頭條，而變返沙狀嘅過程就叫做「反沙」，習慣上食反沙芋嘅時候配合喝鐵觀音，有消除滯脹感嘅作用^[1]。