人血饅頭
人血饅頭係一個網絡用語,近年較多出現喺政治討論入面,意指有人借其他人去上位獲利,但代價就由對方承擔,因而對對方有所批評。
典故[編輯]
「人血饅頭」呢個詞起源自魯迅一篇叫《藥》嘅小說,小說入面無知迷信嘅民眾用革命者嘅血整「人血饅頭」去醫肺癆。
部分被指控食『人血饅頭』例子[編輯]
台灣[編輯]
- 民進黨:2019年,台灣民進黨籍總統蔡英文當時民調低迷,可能連任失敗,但當時香港爆發反送中運動,蔡英文喺競選期間標榜自己同香港人同行,結果民調回升[1]。12月嘅時候,當時香港浸會大學學生會會長方仲賢就批評民進黨只想用香港人嘅鮮血來換取選票,食香港人嘅人血饅頭,結果被親綠營嘅台灣人要求道歉[2]。之後蔡英文順利連任,但之後就甚少繼續支持香港人嘅言論同措施,甚至不停以國安理由收緊港入留台入籍,部分人甚至發表一啲有爭議涉港言論,亦比一啲香港人批評係食緊人血饅頭[3][4][5]。
香港[編輯]
- 曾子晴:喺香港反送中運動期間,有香港設計師設計咗一款印有「我係香港人」字眼嘅T恤,以成本價50元供同路人訂購,但曾子晴其後被發現,抬高價格以100元轉手出售。曾更被踢爆本身立場親建制,但就扮本土派賣T恤,食兩家茶禮,俾網民批評「吃人血饅頭」。設計師表示佢「亳不知情」,又指曾子晴本身以50元成本價向她購買Tee恤,怒轟對方牟取私利。[6][7]
參考來源[編輯]
- ↑ BusinessFocus. 〈【人血饅頭?】香港「反送中」神助攻蔡英文!民調「大炒」韓國瑜近13%〉. BusinessFocus (中文). 喺2023-11-07搵到.
- ↑ TVBS. 〈港生轟民進黨遭出征 他:見識到民進黨真面目了吧│TVBS新聞網〉. TVBS (臺灣中文). 喺2023-11-07搵到.
- ↑ 《追新聞》記者 (2023-07-13). 〈血饅爭議|公開信批台用國安擋港人獲撐 在台港生倡下架民進黨有異議〉. 《追新聞》 (臺灣中文). 喺2023-11-07搵到.
- ↑ 〈台灣觀察|民進黨當局又吃香港的「人血饅頭」〉. 《大公文匯網》 (中文). 喺2023-11-07搵到.
- ↑ Storm.mg (2020-05-20). 〈「民進黨在吸人血饅頭!」侯漢廷酸蔡英文:選前撐香港,就職時卻隻字未提-風傳媒〉. www.storm.mg (臺灣中文). 喺2023-11-07搵到.
- ↑ 冼燕珊 (2019-07-05). 〈前亞視主播高價轉售「我係香港人」Tee 遭踢爆疑借社運斂財〉. 香港01. 喺2020-05-12搵到.粵語:{{{yue}}}
- ↑ 〈前主播涉借爭議賣衫賺差價捱轟〉. 原著喺2019-07-06歸檔. 喺2020-05-12搵到.