壽司

出自維基百科,自由嘅百科全書
各式壽司
卷壽司

壽司粵拼sau6 si1日文平假名すし,又寫作「」或「」)係傳統日本食品。主要材料係用調味過嘅冷,再加上魚肉、海鮮、蔬菜或者雞蛋做配料。既可以當作小食、亦可以當作正餐,花色種類繁多。配料可以係生嘅、熟嘅、或者醃過嘅都得。視乎食材用料,唔同壽司嘅價格檔次差距可以好大下。

喺日本以外都好興食壽司,世界各地嘅迴轉壽司店多不勝數。不過外國人有時會將「壽司」同「刺身」(即係魚生)撈埋一齊嚟講。

種類[編輯]

壽司必須要嘅材料係白飯。正宗日式壽司用嘅係肥小而帶啲啲甜味嘅日本珍珠米。飯煮熟咗,再加返少少壽司醋食鹽呀咁愛嚟調味,等涼咗之後至用嚟整壽司。

裏卷
  • 卷壽司:喺小竹簾上面鋪一層紫菜,再鋪一層米飯,中間擺啲餸,捲起做成一條長卷,然後切成細細段。
    • 太卷:係直徑比較長嘅一種卷壽司,通常有幾種配料。喺日文係解「粗」或者「肥」。
    • 細卷:係比較幼細嘅卷壽司,通常只含一種配料。喺日文(同埋中文書面語)解做「幼」。
    • 手卷:將壽司捲成圓錐體、即係雪糕筒咁形狀,比較難用筷子挾,所以通常用手吃。
    • 裏卷:掉返轉用紫菜包住入面啲餸,先至包飯;最外面審糝一層芝麻魚籽或者蟹籽等。
    • 軍艦卷:啲飯用紫菜包成橢圓形狀,餸擺喺面。
各式壽司
  • 押壽司:又稱做木條壽司一夜壽司,主要流行於日本關西。係用長型嘅木盒仔(押箱)輔助整嘅壽司。師傅會先將配料鋪喺押箱嘅最底層、再擺飯,然後用力將個盒個蓋壓落去。整出嚟嘅壽司會變成四方形,最後切到一口塊咁上碟。
  • 握壽司:師傅會用手將飯握到一口食到咁大塊,搽一層山葵(wasabi,日本芥末),最後鋪餸。視乎餸嘅種類,有時會用一塊紫菜將餸同飯綁埋一齊。喺日本,如果冇講明,講「壽司」多數係指握壽司。
  • 稻荷壽司:用餸嚟裝住啲飯。常見嘅餸有油炸豆腐皮、煎雞蛋椰菜等。
  • 散壽司同上面幾款壽司有啲不同。
    • 江戶前散壽司,喺關東地區常見,啲餸糝喺裝落碗嘅飯上面。
    • 五目散壽司,喺關西地區常見,啲餸會撈埋入裝落碗嘅飯上面。

常見嘅餸[編輯]

常見配料[編輯]

歷史由來[編輯]

[編輯]

有啲壽司舖塊門簾會有個「鮨」字嚟裝飾。呢個「鮨」字喺日文同壽司係通嘅,漢字原本係指攪碎嘅魚肉,而肉醬叫「羹」或者「醢」。

喺日文,壽司有另一個寫法「鮓」。劉熙嘅《釋名·卷二·釋飲食第十三》入面記載「鮓滓都,以鹽米釀之加葅,熟而食之都。」意思即係指鮓滓係種用鹽、米等醃製,等魚肉發酵之後剁碎,煮熟後進食。

日本嘅壽司[編輯]

喺日本,「鮨」一字最早出現於718年嘅《養老律令》入面,當中提及國民要繳付「雑鮨五斗」,不過呢個「鮨」指嘅係乜嘢已經無從稽考。

睇埋[編輯]

出面網頁[編輯]